Háskólar geta sótt um styrk til að halda sameiginleg hraðnámskeið (Intensive Programme). Hraðnámskeið er í það minnsta 10 daga langt og eru flest ekki mikið lengri en oft er einhver forvinna og/eða eftirvinna. Oft er um sumarnámskeið (sumarskóla) að ræða.  Á námskeiðinu koma sama kennarar og stúdentar frá öllum þátttökuskólunum.

Ef heimaskóli tekur þátt í Erasmus hraðnámskeiði geta stúdentar skólans, í viðkomandi fagi, sótt um að taka þátt. Skólinn sem heldur námskeiðið veitir styrk sem ætti að duga fyrir ferðakostnaði og gistingu. Ekki er sjálfgefið að allir þátttakendur fái styrk.
 

Dæmi um Erasmus hraðnámskeið

• Sumarskóli smáríkjaseturs Háskóla Íslands
• Success Stories (neðarlega á síðunni)
   

Upplýsingar

Best er að hafa samband við kennara eða alþjóðafulltrúa til að fá upplýsingar um Erasmus hraðnámskeið sem heimaskóli á aðild að.

Erasmus hraðnámskeið veita oftast á bilinu 6-10 ECTS einingar